We use cookies to help provide you with the best possible online experience.
By using this site, you agree that we may store and access cookies on your device. Cookie policy.
Cookie settings.
Functional Cookies
Functional Cookies are enabled by default at all times so that we can save your preferences for cookie settings and ensure site works and delivers best experience.
3rd Party Cookies
This website uses Google Analytics to collect anonymous information such as the number of visitors to the site, and the most popular pages.
Keeping this cookie enabled helps us to improve our website.
Clinigwyr Cymeradwy a
Meddygon Adran 12(2)
Croeso i wefan Clinigwyr Cymeradwy a Meddygon Adran 12(2) Cymru Gyfan.
Bwrdd Iechyd Prifysgol Betsi Cadwaladr yw'r Corff Cymeradwyo sy'n gyfrifol am gymeradwyo, ail-gymeradwyo neu derfynu cymeradwyaeth i Glinigwyr Cymeradwy a Meddygon Adran 12(2) sy'n awyddus i gael eu cymeradwyo o fewn ystyr Deddf Iechyd Meddwl (1983) fel y'i diwygiwyd (2007).
Mae Bwrdd Iechyd Prifysgol Betsi Cadwaladr yn ymarfer y swyddogaeth hon ar ran yr holl Fyrddau Iechyd yng Nghymru gan ddefnyddio awdurdod a ddirprwyir gan Weinidog Iechyd a Gwasanaethau Cymdeithasol Cymru, trwy Gyfarwyddiadau a wnaed o dan Ddeddf y Gwasanaeth Iechyd Gwladol (Cymru) 2006.
Mae clinigwr cymeradwy'n weithiwr iechyd meddwl proffesiynol a gymeradwyir gan Weinidogion Cymru i weithredu at ddiben Deddf Iechyd Meddwl 1983 ("Deddf 1983"). Gall rhai penderfyniadau o dan Ddeddf 1983 gael eu gwneud gan bobl sy'n Glinigwyr Cymeradwy neu Feddygon Adran 12(2) yn unig.
Rydym yn croesawu gohebiaeth yn Gymraeg neu yn Saesneg.
Byddwn yn ymateb i ohebiaeth yn y Gymraeg, ac ni fydd hyn yn arwain at oedi.
Gwneud cais am Gymeradwyaeth
A ydych chi'n awyddus i wneud cais am gymeradwyaeth gychwynnol fel Clinigwr Cymeradwy neu Gymeradwyaeth gychwynnol fel Meddyg Adran 12(2)?
Pa fath o gymeradwyaeth sy'n iawn i mi?
Os nad ydych yn siŵr, darllenwch yr arweiniad hwn:
Ein Pwrpas
Gwella iechyd a darparu gofal rhagorol
Ein Gwerthoedd
Rhoi cleifion yn gyntaf
Gweithio gyda'n gilydd
Gwerthfawrogi a pharchu ein gilydd
Dysgu ac arloesi
Cyfathrebu’n agored a gonest
Rôl Panel Cymeradwyo Cymru Gyfan
Mae'r Panel yn sicrhau bod ymgeiswyr yn bodloni gofynion cymeradwyaeth i Glinigwyr Cymeradwy a/neu gymeradwyaeth Meddygon Adran 12(2) o dan Deddf Iechyd Meddwl 1983 (fel y'i diwygiwyd 2007).
Mae Panel Cymeradwyo Cymru Gyfan yn cynnwys Seiciatryddion Ymgynghorol, Meddygon Teulu, Gweithwyr Cymdeithasol Cofrestredig, Nyrsys Cofrestredig a Seicolegwyr Cofrestredig sy'n ystyried ceisiadau am gymeradwyaeth ac ail-gymeradwyaeth Adran 12(2) fel y'i nodir yn Nogfen Proses a Meini Prawf Adran 12(2) Cymru Gyfan neu gymeradwyaeth i Glinigwyr Cymeradwy, fel y'i nodir yng Nghyfarwyddiadau Deddf Iechyd Meddwl 1983 (Clinigwyr Cymeradwy) (Cymru) 2018.
Cylch Gwaith Panel Cymeradwyo Cymru Gyfan
Bydd y Panel yn derbyn ceisiadau ar gyfer cymeradwyaeth gan weithwyr proffesiynol cymwys cofrestredig y mae eu maes arfer clinigol yng Nghymru.
Mae'n rhaid i weithwyr proffesiynol sy'n ceisio cymeradwyaeth i weithio yn Lloegr wneud cais i un o'r pedwar Panel rhanbarthol yn Lloegr.